بطاطا محشية بالحم المفروم

السلام عليكم ورحمة الله وبركاته
ومن البطاطا ماقتلت
لعشقي البطاطي جمعتلكم كم طريقة مع كم تجربة لمبطن البطاطا
بعضها نجح وتم إعادة تصنيعه والآخر ياروح مابعدك روح لم يتكرر

.. .. .. ..
أولاً الطريقة المعروفة
.. .. .. ..
المقادير
بطاطا
دقيق
بقسماط (خبزة مطحونة)
بيضة وحرارت وملح
الحشوة
نشوح بصلة مبشورة على النار مع راس ثومة أكيد
نضيف اللحم المفروم والبهارات والقرفة والفلف أكحل
مع شوي معدنوس وكسبر مقرضات
مع ملعقة صغيرة طماطم حكية ومكعب ماجي ولا ننسى القليل من الماء
تترك لتنضج
الطريقة
.. .. .. ..

.. .. ..
نجيب البطاطا نقشرها ونقطعها ونفتحها بشكل أفقي
بس ياريت تكون طبقة البطاطا رقيقة بيش تطلع سمحة
((( شكر خاص لنعناعة على التقشير والفتح خبر ماشاء الله لاقوة إلا بالله )))
نجيب الحشوة
ونبدا نحشي وحال الإنتهاء
نجيب دقيق ونغطي بيه وجه البطاطا فقط
.. .. .. .. ..

.. .. .. ..
ثم نسخن الزيت على النار
أثناء ذلك نضرب بيضة مع حراراتها وملحها
ونوتي تبسي فيه البقسماط
نلغمس وجه البطاطايا بس في البيض ثم البقسماط ثم هوووب على النار
وهاهي النتيجة
بطاطا مبطنة ومقرمشة بلا تنقيع ليلة بلا مياه غازية
.. .. .. .. .. ..

.. .. .. ..
التقدير 100 بـ 100
وفي طريقة ثانية بس ماصورتهش
وهي انك بدال الحشوة الطايبة خليها نيه
احشي البطاطا وستفيها في طاجين وصبي عليها صلصة عادية وزجيها للفرن
هذي ثقيلة شوية قصدي شوياااااات
التقدير 40 بـ 100
.. .. .. .. ..


وشهية طيبة

aminako